الرئيسيةس .و .جبحـثالتسجيلقائمة الاعضاءالمجموعاتدخول

شاطر | 
 

 آنستي العزيزة.. لو ربنا فك عقدتك.. واتخطبتي.. فإليك نصائحي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
semsema



انثى
عدد الرسائل : 115
العمر : 24
تاريخ التسجيل : 08/03/2008

مُساهمةموضوع: آنستي العزيزة.. لو ربنا فك عقدتك.. واتخطبتي.. فإليك نصائحي   الإثنين مارس 10, 2008 2:13 pm

آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..

أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ....


1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا

2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....

3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك.. بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....


4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..

5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..

6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة..
أنا ف عرضك إنسي المصمصة دلوقت..

8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا ..لآ ...لآ ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..

9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....

10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا أودامي أسبوع..
هابطل أكل فيه..... وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك.. وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي..
وبالهنا والشفاااااااااااا

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zayed_meteeb



ذكر
عدد الرسائل : 137
العمر : 25
العمل/الترفيه : طالب ثانوى ويارب اخلص منها
المزاج : نفض للى مدايقك نفض
تاريخ التسجيل : 08/03/2008

مُساهمةموضوع: رد: آنستي العزيزة.. لو ربنا فك عقدتك.. واتخطبتي.. فإليك نصائحي   الثلاثاء مارس 11, 2008 11:12 am

ماشى نصايح حلوة بس مين الى لبعمل العزومة دى اليومين دول
ده ال بيخطب بيجيب عيد الحب بالعافية وبعدين عمر هيا ما هتعمل مفجوعة قدام ال خاطبها
لازم بنت زوات بقه وده مش بحبه وده بحبه
بس موضوع جامد اوى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بريف هارت



ذكر
عدد الرسائل : 90
العمر : 25
العمل/الترفيه : طالب ثانوى
المزاج : احب الضحك بس بتخنق من اقل شئ
تاريخ التسجيل : 06/03/2008

مُساهمةموضوع: رد: آنستي العزيزة.. لو ربنا فك عقدتك.. واتخطبتي.. فإليك نصائحي   الثلاثاء مارس 11, 2008 11:57 am

والله في بنات بتبقى بتحب الاكل موت اكتر من خطيبها يعني لما بتشوف الاكل مش بتشوف حاجهتانيه غيرة
بس موضوع جامد ياسمسم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
*****



انثى
عدد الرسائل : 351
العمر : 26
تاريخ التسجيل : 29/02/2008

مُساهمةموضوع: رد: آنستي العزيزة.. لو ربنا فك عقدتك.. واتخطبتي.. فإليك نصائحي   الأربعاء مارس 12, 2008 9:41 am

حلوة يا سمسمة بس لنا حساب مع بعض
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
maghrabino



عدد الرسائل : 118
تاريخ التسجيل : 11/03/2008

مُساهمةموضوع: رد: آنستي العزيزة.. لو ربنا فك عقدتك.. واتخطبتي.. فإليك نصائحي   الأربعاء مارس 12, 2008 9:51 am

بالنسبه لينا احنا كاولاد
مفيش حاجه لو خطبنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
آنستي العزيزة.. لو ربنا فك عقدتك.. واتخطبتي.. فإليك نصائحي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
hossinho10 :: منتدى الصور :: صور مضحكة-
انتقل الى: